Eskualdeko ikasleak hasi dira aplikazio fasearekin!

Ikastetxe guztietan sentsibilizazio saioak egin ondoren, abian da proiektuaren aplikazio fasea. Datozen asteotan, eskualdeko 300 ikasle inguruk eskualdean egunerokotasunean ematen diren 8 kasu erreal aztertuko dituzte. Kasu hauek, eskualdeko enpresa, merkatari, osasun zentru, lehen sektoreko ustiapen nahiz merkatariek bizi dituzten egoeren islada dira. Gauzak honela, ikasleek eskualdeko eragile ezberdinak elkarrizketatuko dituzte datozen asteetan.

Aurten egin diren sentsibilizazio saioetan, proiektuaren aurkezpenaz gain, iaz proiektua aplikatu zuten ikasleen esperientziak ezagutu dituzte ikasleek.

Honats, sentsibilizazio saioetako hainbat argazki, laster arte!

Abian  da  2015-16  ikasturtea!

Abian da 2015-16 ikasturtea!

Joan zen Abenduan eskualdeko ikastetxeetako irakasleekin egin ziren 3 saioen bitartez eman zitzaion hasiera Elkarrekin Eraikitzen proiektuari. Egin ziren elkarretaratzeetan, irakasleen esperientzien elkartrukaketa sustatzeaz gain, metodologia kolaboratiboen jakintzak landu ziren. Bestalde, datozen asteetan ikasleek aplikatuko duten proiektuaren pautak zehaztu eta hainbat hobekuntza proposamen landu ziren.

Kronograma

 

Behin, irakasleekin esperimentazio fasea landu ondoren, datozen asteetan, eskualdeko 5 ikastetxeetako derrigorrezko bigarren hezkuntzako ikasleak eskualdean egunerokotasunean eman ohi diren hainbat erronka lantzen hasiko dira. Kasu hauek landu asmoz, ikasleek taldean lan eginez, eskualdeko hainbat eragile bisitatuko dituzte.

Abian da beraz, hirugarrenez, elkarrekin eraikitzen proiektua! Jarraian azken bi ekitaldietan ateratako hainbat argazki:

Laister berri gehiago!

 

Elkarrekin Eraikitzen 2014-15 proiektuaren itxiera ekitaldia ospatu zen Ekainak 18an

Joan zen ekainak 18 ostegunean, bigarren urtez jarraian, Elkarrekin Eraikitzen 2014-15 proiektuaren itxiera ekitaldia ospatu genuen Azpeitiko udaletxeko 5.solairuan. Goizeko 11etatik 13etara ospatu genuen jardunaldia eta aurtengo edizioaren ebaluazio eta partehartze datuekin ekin zitzaion. Ondoren, ikastetxe partehartzaileetako ikasleek, proiektuan zehar bizitako esperientziak nahiz egindako hausnarketak aurkeztu zituzten jendartean. Ekitaldia, proiektuan parte hartu zuten eragile ezberdinek osatutako mahainguru batekin amaitu zen.

Oro har, proiektuaren balorazio oso positiboa egin zuten eta ikasle, irakasle nahiz eragileetako ordezkariek eta proiektuaren garrantzia azpimarratu zuten. Partehartzaile ezberdinek “Elkarrekin Eraikitzen” moduko egitasmoen beharra azpimarratu zuten bailarak etorkizunera begira izango dituen erronkei aurre egin asmoz.

Hemen jardunaldian zehar ateratako hainbat argazki:

Datorren ikasturtera arte!

Irakasleek aurtengo edizioaren ebaluazioa egin dute

Joan zen Maiatzak 28, ostegunean, Elkarrekin Eraikitzen proiektuaren baitan, ikasturteko azken bilera ospatu zen Intxausti jauregian. Jardunaldian, eskualdeko 5 ikastetxeetako irakasle eta zuzendariak, “Orkestra” Euskal lehiakortasunerako institutua, “Goieki” Goierriko garapen agentzia, Ie Team aholkularitza enpresak eta Iraurgi Berritzenek hartu genuen parte. Jardunaldiak, 3 atal nagusi izan zituen. Lehenik eta behin, aurtengo edizioaren ebaluazioa egin zen. Bigarrenik, Ekainak 18an Azpeitiko udaletxean opatuko den azken ekitaldiaren nondik norakoak adostu ziren eta azkenik, ikastetxe ezberdinetan landutako lanak ikusteko aukera izan zen.

Jardunaldian zehar, proiektuak izan duen 8 hilabeteko prozesua ebaluatu zen. Jardunaldian zehar, proiektuan izandako hainbat arazo eta behar berri identifikatu ziren datorren ikasturteko edizioaren diseinu eta planifikazioan hauek kontutan hartuko direlarik. Oro har, proiektuaren inguruan egin den balorazioa oso positiboa izan zen eta aurreko urtean identifikatu ziren behar eta arazoei irtenbide egokia eman zaiela iritzi zen.

Hona hemen jardunaldiko zenbait argazki:

Ekainak 18, Ostegunean, ikusiko dugu elkar!

Elkarrekin Eraikitzen proiektuko Irakasleekin hausnarketa jardunaldia

Martxoak 23 astelehenean bildu ginen berriro eskualdeko 5 ikastetxeetako irakasleekin. Elkarretaratze honen helburu nagusia Elkarrekin Eraikitzen proiektuaren aplikazioan ikastetxe bakoitza bizitzen ari den esperientziak elkartrukatzea izan zen. Ikastetxe bakoitzak, gainontzeko ikastetxeei heuren plana aurkezteaz arduratu zen. Ikastetxe bakoitzak, gainontzeko ikastetxeen esperiantziatik ikasteko aukera izan zuen.

Bestalde, jardunaldia amaitzeko, ikasleek etorkizunean beharko dituzten gaitasunen inguruko hausnarketa bat egin zen. Bertan, talde lana, komunikatzeko gaitasuna, hizkuntzak menderatzea edota jarrera aktiboa azpimarratu ziren besteak beste. Gainera, ikasleek gaitasun hauek  garatu ahal izateko ikastetxe eta irakasleek duten arduraz hausnartu zen.

Honats, jardunaldiko hainbat argazki:

Laister arte!

Iraurgi ikastetxea ere hasi da aplikaizo fasearekin!

Joan zen Martxoak 18an, Iraurgi Berritzen eta Ie Team Iraurgi ikastetxean izan ziren Elkarrekin Eraikitzen proiektuari hasiera emateko. Saio honetan, ikasleek datozen asteetan landuko duten proiektua azaldu zen eta hainbat zalantza argitu ahal izan zituzten. Gainera, iaz proiektua bizi izan zuten ikasleen bisita izan zuten eta hauen testigantzak entzuteko aukera izan zuten. Oro har, iaz proiektua bizi izan zuten ikasleek gogoz parte hartzera gonbidatu zituzten aurtengo parte hartzaileak.

Iraurgi ikastetxeak, DBH 3 mailan aplikatuko du proiektua eta guztira 50 ikasle inguruk hartuko dute parte. Datorren asteetan, eskualdeko hainbat eta hainbat eragile bisitatuko dituzte.

Iraurgirekin, eskualdeko ikastetxe proiektuaren aplikazio fasean daude dagoeneko, guztira 300 ikasle inguru! Ekin gogoz!