Abian  da  Elkarrekin  Eraikitzen  2018/2019!

Abian da Elkarrekin Eraikitzen 2018/2019!

Abian da Elkarrekin Eraikitzen proiektua 6. urtez jarraian. Abenduaren 18an ikastetxe ezberdinetako irakasle ezberdinekin egin zen lan bilerarekin eman zitzaion hasiera. Bertan, 2018/19 ikasturtean zehar aplikatuko diren lan ildo nagusiak adostu ziren, besteak beste, ikasleek prozesuaren garapenean zehar eman beharreko pausoak.

Datozen asteetan, sentsibilizazio saioen bitartez, eskualdeko ikastetxeak proiektua ikasleekin lantzen hastea aurreikusten da. Oro har, ikasleek erronkak otsaila eta maiatza bitartean landuko dituzte eta ikasturtearen amaieran ekitaldi txiki batekin emango zaio amaiera.

Prozesuan zehar, eskualdeko 5 ikastetxe eta 200 ikasle inguruk parte hartzea aurreikusten da. Era berean, eskualdeko 40 eragile baino gehiagok hartuko du parte ikasleen bisita eta elkarrizketa bidez.

Proiektuaren helburuei dagokionean, hastapenetan identifikatu ziren berberak izango dira. Lehenik eta behin, ikasleei eskualdeko errealitate sozioekonomikoa hurbiltzea du helburu eta honetarako, eskualdeko hainbat eragileren egunerokotasuna ezagutzeko aukerak eskaini nahi du proiektuak. Bestalde, irakaskuntza metodologia berritzaileen bitartez, ikasleek ohiko irakaskuntzarekin landu ezin diren gaitasun eta balioak sustatzea lortu nahi da. Besteak beste, aztertu behar dituzten erronken bitartez, IKTen erabilera, komunikazioa, sormena, autonomia, iniziatiba edota taldean lan egiteko gaitasunak praktikan jarri eta lantzea lortu nahi da.

 

Eskualdeko  hainbat  eragile  elkarrekin  Elkarrekin  Eraikitzen  2017/18  edizioaren  azken  ekitaldian

Eskualdeko hainbat eragile elkarrekin Elkarrekin Eraikitzen 2017/18 edizioaren azken ekitaldian

Elkarrekin Eraikitzen 2017-18 proiektuaren amaierako ekitaldia ospatu zen Ekainak 19, asteartea, Azkoitiko Ekargunean. Ekitaldia, goizeko 10.30etan hasi eta 13.30etan amaitu zen eta eskualdeko ikastetxe, udal nahiz eragileen ordezkariak izan ziren bertan. Eskualdeko udal ordezkariak arduratu ziren ekitaldia agurtu eta hasiera emateaz.

Ekitaldia, bi fase nagusitan egituratu zen. Lehenik eta behin, ikasleek ikasturtean zehar landu dituzten erronkak aurkeztu dituzte. Aurkezpenean, prozesuan zehar ikasitakoak eta euren bizipenak aurkeztu dituzte. Besteak beste, “Enpresa berrien sorrera”, “Eskualdeko osasun zentroa”, “Salmenta lanak industrian” edota “Merkataritza txikia eskualdean” erronkak aurkeztu zituzten ikasleek.

Bigarren zatian berriz, ikastetxe ezberdinetako ikasleek lagunduta mahaingurua egin da. Bertan, proiektuaren garapenean bizitako esperientziak elkartrukatu eta prozesuaren ebaluazioa egin zen. Mahainguruan zehar, proiektuak ikasleei eskualdeko errealitate sozioekonomikoa ezagutzea ahalbideratzen diela azpimarratzeaz gain, eskualdeko eragile ezberdinekin harremanak izatea balioan jarri zen. Era berean, balioan jarri zen eskualdeko eragile ezberdinak elkarrekin lanean jardutearen garrantzia eta datozen hilabeteetan harremanak saretzen jarraitzearen garrantzia aipatu zen.

Oro har, Elkarrekin Eraikitzen 2017/18 ikasturtean, eskualdeko 5 ikastetxe, 9 irakasle eta 180 ikasle baino gehiagok hartu dute parte. Horiez gain, prozesuan zehar, ikasleek egin dituzten elkarrizketa eta azterketa lanetan 40 eragiletik gora hartu dute parte.

Amaitu da beraz Elkarrekin Eraikitzen proiektuaren 5. edizioa. Datorren ikasturtean ikusiko dugu elkar!

Amaitzear  da  Elkarrekin  Eraikitzen  2017/18!!

Amaitzear da Elkarrekin Eraikitzen 2017/18!!

Amaitzear da Elkarrekin Eraikitzen 2017/18 proiektua. Aurten, eskualdeko 5 ikastetxe eta 180 ikasletik gora hartu dute parte proiektuan. Proiektuan parte hartu duten eragileei dagokionean, 40 eragiletik gora zenbatu dira.

Ekainak 7 ostegunean, ikastetxe ezberdinetako irakasle ezberdinak bildu eta ikasturtearen ebaluazioa egin da. Oro har, egin den ebaluazioa positiboa izan da eta datorren ikasturterako bizpahiru hobekuntza ere identifikatu dira. Datorren ikasturtera begira, hauek lantzeko konpromezua hartu da ikasleen esperientzia aberasgarriagoa egin asmoz.

Bestalde, ikasleek eskualdeko eragile ezberdinei egindako bisiten balorazioa oso positiboa izan da. Ikasleek bisita eta elkarrizketetan jasotako esperientzia eta bizipenak proiektuaren garapenerako duten garrantzia azpimarratu da. Prozesuan zehar egiten dituzten bisita elkarrizketek, eskualdeko eragile ezberdinek egun bizi duten errealitatea gertutik ezagutzeko aukera eskaintzen dute.

Amaitzeko, ekainak 19 asteartean Azkoitiko Elkargunean ospatuko den ekitaldiarekin emango zaio amaiera proiektuari. Bertan, proiektuan parte hartu duten zenbait eragile nahiz udal ordezkarien presentziarekin, ikastetxe ezberdinetako ikasleek hartuko dute parte. Ekitaldian zehar, proiektuan zehar jasotako ezagutzak nahiz bizipenak elkarabanatuko dituzte bertara gerturatutakoekin.

Abian  da  5  urtez  jarraian,  Elkarrekin  Eraikitzen  2017/18!

Abian da 5 urtez jarraian, Elkarrekin Eraikitzen 2017/18!

Abian da Elkarrekin Eraikitzen proiektua 5. urtez jarraian. Honen garapenean, eskualdeko 5 ikastetxe eta 200 ikasle inguruk parte hartzea aurreikusten da. Proiektuan zehar, eskualdeko 40 eragile baino gehiagok hartuko du parte ikasleen bisita eta elkarrizketa bidez.

2017/18 ikasturtea hainbat berrikuntzarekin dator. Besteak beste, erronketan egin diren egokitzapenak edota sentsibilizazio saioetarako egin diren aldaketak azpimarratu daitezke.

Berrikuntzak nahiz proiektuaren nondik norako nagusiak, Urtarrilean ikastetxe ezberdinetako irakasleekin egin zen lan bileran identifikatu eta lehenetsi ziren. Behin, proiektuaren ildo nagusiak zehaztuta, ikastetxe bakoitza bere plangintza garatzen jarraituko du.

Proiektuaren helburuei dagokionean, hastapenetan identifikatu ziren berberak izango dira. Batetik, irakaskuntza metodologia berritzaileen bitartez, ohiko irakaskuntzarekin landu ezin diren gaitasun eta balioak sustatzea lortu nahi da. Ikasleek aztertu behar dituzten erronken bitartez, IKTen erabilera, komunikazioa, sormena, autonomia, iniziatiba edota taldean lan egiteko gaitasunak praktikan jarri eta hauek lantzea lortu nahi da. Bestetik berriz, ikasleei eskualdeko errealitate sozioekonomikoa hurbiltzea du helburu eta honetarako, eskualdeko hainbat eragileren egunerokotasuna ezagutzeko aukerak eskaini nahi du proiektuak.

Abian da beraz, 2017/18 ikasturtean, Elkarrekin Eraikitzen proiektua!

Amaitu  da  Elkarrekin  Eraikitzen  2016/17

Amaitu da Elkarrekin Eraikitzen 2016/17

Elkarrekin Eraikitzen 2016-17 proiektuaren amaierako ekitaldia ospatu zen Ekainak 15, osteguna, Azpeitiko udaletxean. Ekitaldia 10:00etatik 12.00etara izan zen, eta eskualdeko ikastetxe, udal nahiz eragileen ordezkariak izan ziren bertan.

Aurtengo ekitaldian eskualdeko lau ikastetxek (Floreaga Salestar Ikastetxeak, Iraurgi Ikastetxeak, Ikasberri Azpeitiko Ikastolak eta Xabier Munibe Azkoitiko Ikastolak) hartu dute parte. Proiektuaren koordinatzaile lanetan, berriz, Iraurgi Berritzen -Urola Erdiko garapen eta berrikuntza agentzia- aritu da.

Jardunaldiari eskualdeko udal ordezkarien agurrarekin ekin zitzaion. Agurra egiteaz, Eneko Etxeberria Azpeitiko alkatea eta Javier Zubizarreta Azkoitiko alkatea arduratu ziren. Heuren hitzetan, “gazteek errealitatea ezagutzeko modu bat da” Elkarrekin Eraikitzen proiektua. Jarraian aurtengo edizioaren ebaluazio eta parte-hartze datuak aurkeztu ziren. Aurtengo edizioan, 10 erronka landu dira, eta 12 irakaslek, 150 baino ikasle gehiago eta 40 eragilek hartu dute parte. Ondoren, ikastetxe parte-hartzaileetako ikasleek, proiektuan zehar bizitako esperientziak nahiz egindako hausnarketak aurkeztu zituzten jendartean.

Ekitaldia mahainguru labur batekin amaitu zen eta bertan ikasleek ikastetxeetatik irtetea asko eskertu dutela aipatu zuten. Elkarrekin Eraikitzen proiektuarekin enpresetako arduradunekin harremanetan jarrita, enpresetara zein ospitaleetara joanda eta jende ezberdina elkarrizketatuta, errealitateko gauza ugari ikasi dituztela azpimarratu zuten mahaikideek. Bestalde, balioan jarri zuten eskualdean elkarrekin lanean jardutearen garrantzia, eta etorkizunean behar-beharrezkoa izango dela azpimarratu zuten.

Amaitu da beraz Elkarrekin Eraikitzen proiektuaren 4. edizioa. Datorren ikasturtean berrikuntza ugarirekin etorriko da proiektua!